Xalq deputatlari Jondor tumani Kengashiga 25-Samonchuq saylov okrugidan saylangan deputat B. Dilliyev tomonidan Samonchuq mahallasining Gulobod qishlog‘ida mavjud muammolardan biri — yaroqsiz holatga kelib qolgan simyog‘ochlar masalasi o‘rganildi.
👉Aholi xavfsizligi va elektr ta’minotining barqarorligini ta’minlash nuqtayi nazaridan eskirgan hamda foydalanish uchun yaroqsiz holatga kelgan simyog‘ochlarni yangilariga almashtirish muhim ahamiyatga ega.
👉Mazkur masalani tezkor hal etish, Gulobod qishlog‘idagi yaroqsiz simyog‘ochlarni yangilariga almashtirish yuzasidan deputat B. Dilliyev tomonidan tuman elektr ta’minoti korxonasi rahbari O. Usmonov nomiga deputatlik so‘rovi yuborildi.
👉Deputatlik so‘rovida muammoni joyiga chiqqan holda o‘rganish, tegishli choralarni ko‘rish hamda aholining elektr ta’minoti bilan bog‘liq xavfsizligini ta’minlash bo‘yicha amaliy ishlarni amalga oshirish so‘ralgan.
👉Deputatning mazkur tashabbusi fuqarolar murojaatlarini joyida o‘rganish va ularni qiynayotgan muammolarni tegishli tashkilotlar bilan hamkorlikda bartaraf etishga qaratilgani bilan ahamiyatlidir.