Hududlarda o‘rganishlar olib borilmoqda

Xalq deputatlari Termiz tuman Kengashi 15-Yangiariq saylov okrugi deputati G. Turdiyeva tomonidan saylangan Quyoshli yurt MFY hududdagi mavjud muammolarni o‘rganish maqsadida tuman Kengashi mutaxassisi T. Murodov mahalla yettiligi vakillari bilan birgalikda Qo‘shchinor ko‘chasida o‘rganish ishlari olib bordi.

O‘rganish davomida ko‘chaning ichki yo‘llari holati ko‘zdan kechirilib, ushbu hududda ichki yo‘llarni asfaltlash zarurati mavjudligi qayd etildi. Aniqlangan muammo yuzasidan tegishli tashkilotlar bilan hamkorlikda amaliy choralar ko‘rish bo‘yicha takliflar ishlab chiqilishi belgilandi.

Fuqarolar bilan muloqot davomida ularning fikr va takliflari tinglanib, hudud infratuzilmasini yaxshilash masalalari deputatlik nazoratida ekanligi ta’kidlandi.