Shu maqsadda, Xalq deputatlari Termiz shahar Kengashi tomonidan shahardagi ta’lim muassasalarida yangi o‘quv yiliga tayyorgarlik jarayonlari yuzasidan nazorat-tahlil tadbirlari o‘tkazilmoqda.

Navbatdagi nazorat-tahlil tadbiri 23-sonli umumta’lim maktabida tashkil etildi. Unda Xalq deputatlari Termiz shahar Kengashi raisi, deputat D.Normuradova, Kengash huzuridagi “Xalqparvar” komissiyasi raisi, ekspert guruhi rahbari, deputat A.Mustafakulov, kotibiyat mudiri, deputat A.Ashurov hamda kotibiyat bosh mutaxassisi R.Mamashukurov ishtirok etdilar.

O‘rganish davomida maktabning yangi o‘quv yiliga tayyorgarlik holati, ta’mirlash ishlari, o‘quvchilar uchun yaratilayotgan sharoitlar hamda ta’lim jarayonini sifatli tashkil etish uchun mavjud imkoniyatlar ko‘zdan kechirildi.

Ta’kidlash joizki, mazkur maktabni ta’mirlash ishlari uchun mablag‘lar Xalq deputatlari Termiz shahar Kengashining 2026-yil 17-avgustdagi VII-24-74-8-121-K/26-sonli qarori asosida ajratilgan.

Nazorat-tahlil jarayonida ajratilgan mablag‘larning maqsadli sarflanishi, amalga oshirilayotgan ta’mirlash ishlarining sifati va belgilangan vazifalarning o‘z vaqtida bajarilishiga alohida e’tibor qaratildi.

O‘rganish yakunida aniqlangan masalalar yuzasidan mas’ullarga tegishli tavsiya va topshiriqlar berilib, maktabni yangi o‘quv yiliga puxta tayyorlash hamda ta’mirlash ishlarini sifatli yakunlash bo‘yicha ishlarni davom ettirish belgilandi.