Xalq deputatlari Qo‘qon shahar Kengashiga 21-“Urganjibog‘” saylov okrugidan saylangan deputat M.Azimov hududidagi “Urganjibog‘” mahalla fuqarolar yig‘inida Xalq deputatlari Qo‘qon shahar Kengashi kotibiyati mudiri A.Nosirov tomonidan o‘rganish ishlari olib borildi.

O‘rganish davomida mahallaning Farobiy ko‘chasi 25-uyda yashovchi fuqaro Hamroliyev Abdullajon tomonidan vasiylik orqali bola asrab olish masalasida amaliy yordam so‘rab murojaat qilindi.

Fuqaroning murojaati atroflicha o‘rganilib, mazkur masala Kengash kotibiyati mudiri A.Nosirov nazoratiga olindi.

Murojaatni qonunchilikda belgilangan tartibda ko‘rib chiqish, fuqaroga zarur tushuntirish va amaliy yordam ko‘rsatish yuzasidan “Urganjibog‘” mahalla fuqarolar yig‘ini ijtimoiy xodimi Isaqova Odinaxonga tegishli ko‘rsatmalar berildi.

Fuqarolarning murojaatlarini o‘z vaqtida o‘rganish, ularning qonuniy manfaatlarini ta’minlash hamda oilalarni qo‘llab-quvvatlashga qaratilgan masalalarga amaliy yechim topish Kengash faoliyatining muhim yo‘nalishlaridan biridir.

Xalq deputatlari Qo‘qon shahar Kengashi