Afg‘oniston fuqarolarini o‘qitish ta’lim markazi faoliyati bilan tanishildi

Xalq deputatlari Termiz tuman Kengashi raisi S. Nazarov Afg‘oniston fuqarolarini o‘qitish ta’lim markaziga tashrif buyurib, markazda yaratilgan zamonaviy shart-sharoitlar, o‘quv jarayoni va tinglovchilar uchun yaratilgan imkoniyatlar bilan yaqindan tanishdi.

Tashrif davomida markazda amalga oshirilayotgan ta’lim dasturlari, kasb-hunar va til o‘qitish yo‘nalishlari, o‘quv jarayonining sifati hamda xalqaro hamkorlikni rivojlantirish borasida olib borilayotgan ishlar yuzasidan ma’lumotlar tinglandi.

Shuningdek, ta’lim markazining moddiy-texnik bazasi, o‘quv xonalari, amaliy mashg‘ulotlar uchun yaratilgan sharoitlar ko‘zdan kechirildi. Muloqot chog‘ida ta’lim samaradorligini yanada oshirish, tinglovchilar uchun qulay sharoitlarni kengaytirish va hamkorlikni mustahkamlash masalalari muhokama qilindi.