Xalq deputatlari tuman Kengashi deputatlari E.Babayev va N.Turdiyev tomonidan Mustaqillik mahallasida fuqarolar tomonidan bildirilgan murojaat joyiga chiqqan holda o‘rganildi.

O‘rganish jarayonida hududda maishiy chiqindilar o‘z vaqtida olib chiqib ketilmayotgani, buning oqibatida atrof-muhit ifloslanib, hududning sanitariya holati yomonlashayotgani aniqlandi.

Mazkur muammoni bartaraf etish, chiqindilarni muntazam va belgilangan grafik asosida olib chiqib ketishni ta’minlash yuzasidan tegishli mas’ullarga vazifalar belgilandi.