Xalq deputatlari Termiz shahar Kengashining 4-“Bo‘ston” saylov okrugi deputati G.Abramatova hamda Kengash kotibiyati bosh mutaxassisi A.Temirov “Jayhun” mahallasida bo‘lib, aholini qiynayotgan masalalar va fuqarolar murojaatlarini joyiga chiqqan holda atroflicha o‘rgandilar.

Mahallabay o‘tkazilgan ochiq muloqot va o‘rganishlar davomida fuqarolar tomonidan asosan quyidagi muhim masalalar ilgari surildi:

Ijtimoiy yordam ko‘rsatish: Kam ta’minlangan va ko‘makka muhtoj xonadonlarni moddiy-ma’naviy qo‘llab-quvvatlash, ularga manzilli ijtimoiy yordam ko‘rsatish;

Aholi bandligi: Mahalladagi ishsiz fuqarolar va yoshlarni ishga joylashtirish, ularning bandligini ta’minlash hamda tadbirkorlik tashabbuslariga ko‘maklashish;

Infratuzilmani rivojlantirish: Mahalla ichki ko‘chalarini obodonlashtirish, yo‘llarni ta’mirlash va kommunal sohadagi muammolarga barham berish.

O‘rganish jarayonida fuqarolar tomonidan o‘rtaga tashlangan har bir taklif va muammo deputat G.Abramatova tomonidan chuqur tahlil qilinib, “Murojaat daftari”ga batafsil qayd etildi.

Ko‘tarilgan masalalarning tezkor yechimi yuzasidan shahar Hokimligining tegishli ijro organlari hamda mutasaddi idoralarga rasmiy deputatlik so‘rovlari yuborilishi va ijrosi qat’iy nazorat ostiga olinishi belgilandi.