Mazkur memorandum doirasida bir guruh Xitoy davlatidan tashrif buyurgan xorijiy investorlar tumanimizning “Elobod” mahallasida joylashgan, “ Surxon suv ombori” hududida bunyod etilayotgan ekoturizm kompleksida yangi investitsion loyihalarni amalga oshirish maqsadida hududga tashrif buyurdi.
Tashrif davomida investorlar hududdagi mavjud infratuzilma hamda imkoniyatlari bilan yaqindan tanishdi. Shuningdek, mazkur hududda zamonaviy ekoturizm kompleksini tashkil etish, yangi ish o‘rinlari yaratish va iqtisodiy faollikni oshirish borasida dastlabki fikr almashildi.
Mas’ullar tomonidan investorlarga hududning mavjud qulayliklar hamda investorlarga yaratilayotgan sharoitlar haqida batafsil ma’lumotlar berildi.
Kelgusida Xitoylik investorlar bilan hamkorlikni izchil davom ettirish, istiqbolli investitsion loyihalarni shakllantirish hamda ularni amaliyotga joriy etish bo‘yicha ishlar davom ettiriladi.