Xalq deputatlari Muzrabot tumani Kengashining 1-«Oqoltin» saylov okrugidan saylangan deputat Choriyeva Dilfuza hamda tuman Kengashi kotibiyati bosh mutaxassisi Sh. Shoymardanov hamkorlikda tumandagi «Muzrabot darvoza» mahalla fuqarolar yig‘inida bo‘lib, hududda olib borilayotgan obodonlashtirish va bunyodkorlik ishlari bilan tanishdi.

Tashrif davomida mahallada joylashgan 11- va 26-sonli umumta’lim maktablarida “Mahallada obodlik va mehr-saxovat oyligi” doirasida amalga oshirilayotgan obodonlashtirish ishlari joyiga chiqib ko‘zdan kechirildi. Xususan, ta’lim muassasalari hududlarini tartibga keltirish, ko‘kalamzorlashtirish, sanitariya-gigiyena holatini yaxshilash hamda o‘quvchilar uchun yanada qulay va shinam muhit yaratish borasida bajarilayotgan ishlar bilan yaqindan tanishildi.

O‘rganish davomida amalga oshirilayotgan ishlarning sifati va samaradorligiga alohida e’tibor qaratilib, mavjud kamchiliklarni bartaraf etish hamda obodonlashtirish ishlarini yanada jadallashtirish yuzasidan tegishli tavsiya va takliflar bildirildi.

Yakunda, mahallalarni obod va fayzli maskanga aylantirish, ta’lim muassasalarida qulay sharoit yaratish hamda aholi uchun munosib yashash muhitini shakllantirish borasidagi ishlar deputatlik nazoratida izchil davom ettirilishi qayd etildi.