Me’mor mahallasida mahalla raisi faoliyati o‘rganildi

Xalq deputatlari Navoiy shahar Kengashi kotibiyati mudiri Hafizov Jo‘rabek hamda “MADAD” muassasa shaklidagi nodavlat notijorat tashkiloti rahbari Eliboyeva Malika hamkorligida Navoiy shahridagi Me’mor mahallasi raisining faoliyati o‘rganildi.

⚖️ O‘rganish O‘zbekiston Respublikasining “Fuqarolarning o‘zini o‘zi boshqarish organlari to‘g‘risida”gi O‘RQ-350-son Qonuni (2013-yil 22-aprel) talablari asosida amalga oshirildi. Mazkur Qonun fuqarolarning o‘zini o‘zi boshqarish organlarining huquqiy asoslari, vakolatlari hamda mahallaning aholi bilan ishlashdagi vazifalarini belgilaydi.

🔹 O‘rganish davomida mahalla raisining aholi bilan ishlashi, fuqarolar murojaatlarini ko‘rib chiqishi, ijtimoiy himoyaga muhtoj fuqarolarni qo‘llab-quvvatlashi, hududdagi mavjud muammolarni aniqlash va ularni hal etish borasidagi faoliyatiga e’tibor qaratildi.

🤝 Shuningdek, “MADAD” muassasa shaklidagi nodavlat notijorat tashkiloti bilan hamkorlikda fuqarolarning huquqiy savodxonligini oshirish, ularning huquq va qonuniy manfaatlarini himoya qilish hamda huquqiy masalalar bo‘yicha aholiga amaliy ko‘mak ko‘rsatish masalalari muhokama qilindi. “MADAD”ning asosiy vazifalaridan biri fuqarolarga birlamchi bepul yuridik yordam va huquqiy maslahatlar berishdan iborat.

📌 O‘rganish yakunida mahalla raisi faoliyatini yanada takomillashtirish, aholi bilan ochiq va manzilli muloqotni kuchaytirish hamda fuqarolarning murojaatlarini o‘z vaqtida hal etish yuzasidan tegishli tavsiya va takliflar bildirildi.

Qonun ustuvorligi, aholi bilan samarali muloqot va hamkorlik — mahalla faoliyatining muhim mezonlaridir.

🏛 Xalq deputatlari Navoiy shahar Kengashi kotibiyati