#Murojaat_va_ijro
#deputat_faoliyati
#kotibiyat_xodimi_faoliyati
#24_ta_tavsiyalar_ijrosi
#Okrugda_o‘rganish

Bandixon tumanida deputatlik nazorati: "Farovon" mahallasida infratuzilmani yaxshilash va murojaatlar ijrosi ko‘rib chiqildi

Bandixon tumanida aholi turmush darajasini oshirish, hududiy infratuzilmani yaxshilash hamda fuqarolarni qiynayotgan masalalarga amaliy yechim topish borasida deputatlik nazorati izchil olib borilmoqda.

Xalq deputatlari Bandixon tumani Kengashiga 13-Farovon saylov okrugidan saylangan deputat A. Pardayev hamda Kengash kotibiyati bosh mutaxassisi E. Eshonqulov "Farovon" mahallasida bo‘lib, mahalla faollari ishtirokida joyiga chiqib o‘rganish o‘tkazdilar.

Tashrif davomida ilgari berilgan 24 ta tavsiya ijrosi hamda aholi murojaatlari asosida amalga oshirilgan ishlar tahlil qilindi.

Muloqotlar jarayonida mahalla faollari tomonidan ichki yo‘llarni ta’mirlash, elektr simyog‘ochlarini yangilash, elektr ta’minotini tartibga keltirish hamda obodonlashtirish bo‘yicha bildirilgan takliflar eshitildi.

Yakunda barcha masalalar deputatlik nazoratiga olinib, mas’ul tashkilotlar bilan hamkorlikda hal etish choralari belgilab olindi.