Xalq deputatlari Pastdarg‘om tumani Kengashi deputati A. Abdumurodov, Kengash kotibiyati mudiri F. Xolmuratova hamda Yoshlar maslahati guruhi a’zosi Sh. Uralov ishtirokida Olmazor mahallasi hududidagi ko‘chalarning holati o‘rganildi.

O‘rganish davomida mahalla hududidagi ko‘chalarning obodonlashtirilganlik darajasi, yo‘l qoplamalarining holati, aholi uchun yaratilgan sharoitlar hamda mavjud muammolar joyiga chiqqan holda ko‘zdan kechirildi.

Shuningdek, fuqarolar bilan suhbatlashilib, ularni qiynayotgan masalalar tinglandi va aniqlangan muammolarni bartaraf etish yuzasidan tegishli takliflar bildirildi.

O‘rganish natijalari asosida mavjud kamchiliklarni tizimli hal etish va mahalla infratuzilmasini yaxshilash bo‘yicha ishlarni davom ettirish belgilandi.