Yoshlarga oid davlat siyosati va sport sohasidagi qonunlar ijrosi yuzasidan o‘rganish olib borildi

👥 Xalq deputatlari Oqdaryo tumani Kengashi kotibiyati mudiri Dildora Adilova hamda Kengashning Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a'zosi Komil Berdiqulov ishtirokida tuman Sport maktabida o‘rganish ishlari amalga oshirildi.

📌 Tashrif davomida "Yoshlarga oid davlat siyosati to‘g‘risida"gi O‘zbekiston Respublikasi Qonuni (O‘RQ–406, 2016-yil 14-sentabr) hamda "Jismoniy tarbiya va sport to‘g‘risida"gi O‘zbekiston Respublikasi Qonuni (O‘RQ–1123, 2026-yil 24-mart) ijrosi doirasida olib borilayotgan ishlar bilan tanishildi.

🔹 Shuningdek, sport maktabida yoshlar uchun yaratilgan shart-sharoitlar, sport to‘garaklari faoliyati, sport inshootlaridan samarali foydalanish, yoshlarni ommaviy sportga keng jalb etish hamda qonunlarda belgilangan vazifalarning amaliy ijrosi yuzasidan mas'ul xodimlarning axborotlari tinglandi.

🔹 O‘rganish yakunida mavjud holatlarni yanada takomillashtirish, yoshlar o‘rtasida sog‘lom turmush tarzini keng targ‘ib etish hamda qonun hujjatlari ijrosini ta'minlash bo‘yicha tegishli tavsiya va takliflar bildirildi.