Xalq deputatlari Termiz shahar Kengashi kotibiyati mudiri A.Ashurov hamda shahar Kengashi deputati M.Sidiqova tomonidan O‘zbekiston Respublikasi Oliy Majlisi Senatining Kengashining “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “Mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi 2025-yil 14-yanvarda qabul qilingan KQ-35-sonli qarorining mazmun mohiyati yuzasidan davra suhbati tashkil etildi.

Suhbat davomida Xotin-qizlarni hаr tomonlama qo‘llab-quvvatlash, bilim va ko‘nikmalarni egallashda ularga ko‘maklashish, ularni bandligini ta'minlash, oilaviy va xususiy tadbirkorlikka keng jalb etish, shuningdek mahallalardagi muammolarni hal etishda xalq deputatlari mahalliy Kengashlari deputatlari va "Mahalla yettiligi"ning o‘zaro hamkorligini yo‘lga qo‘yish sxemasi va ularning o‘zaro hamkorlik yo‘nalishlari muhokama qilindi.