Hurmatli Vatan himoyachilari, Qurolli kuchlarimiz faxriylari!

Sizlarni O‘zbekiston Respublikasi Qurolli Kuchlari tashkil topganining 33 yilligi hamda Vatan himoyachilari kuni munosabati bilan samimiy muborakbod etamiz.

Mard va olijanob xalqimiz o‘z muqaddas qasamyodiga sodiq bo‘lib, xizmat burchini sharaf bilan ado etayotgan siz zabardast, bahodir va dovyurak harbiylarimiz bilan hamisha faxrlanadi.

Bayram munosabati bilan, xalq deputatlari tuman Kengashi jamoasi Siz azizlarni, sizlar orqali oila a’zolaringizni Qurolli Kuchlarimiz tashkil etilganining 33 yilligi va Vatan himoyachilari kuni bilan yana bir bor chin qalbdan tabriklab, barchangizga mustahkam sog‘liq, oilaviy baxt, sharafli va mas’uliyatli xizmat vazifangizda ulkan zafarlar tilaydi.

Vatanimiz sarhadlari tinch, xalqimiz turmushi farovon, chegaralarimiz mustahkam bo‘lsin!

Xalq deputatlari Sho'rchi tuman Kengashi