#Deputatlik_nazorati #Kotibiyat_hududlarda
#24_ta_tavsiyaviy_savol

Ko‘hna Cho‘ponota mahallasida ko‘p qavatli uylar va boshqaruv servis kompaniyasi faoliyati o‘rganildi

🕯 Uchtepa tumanidagi Ko‘hna Cho‘ponota mahallasida hudud obodonlashtirilishi, ko‘p qavatli uy-joylarga ko‘rsatilayotgan kommunal xizmatlar sifati hamda boshqaruv servis kompaniyasi faoliyati yuzasidan o‘rganish ishlari olib borildi.

⚙️ O‘rganish davomida “Elga xizmat Ko‘hna Cho‘ponota” boshqaruv servis kompaniyasi (BSK) faoliyati, aholi yashaydigan ko‘p qavatli uylarning holati, hududdagi obodonlashtirish ishlari, muhandislik-kommunikatsiya tarmoqlarining sozligi hamda 2026–2027-yillar kuz-qish mavsumiga tayyorgarlik jarayonlari ko‘zdan kechirildi.

🇺🇿 Mazkur o‘rganishda xalq deputatlari Uchtepa tumani Kengashidagi agrar, qurilish, kommunal sohalar, ekologiya, sanoat va transport masalalari bo‘yicha doimiy komissiya raisi Avaz Xudayberganov ishtirok etdi.

📝 O‘rganish jarayonida ko‘p qavatli uylarning kirish yo‘laklari, tom qismi, yerto‘lalari, umumiy foydalanish hududlari hamda aholiga ko‘rsatilayotgan xizmatlar sifati tahlil qilindi. Aniqlangan kamchiliklarni bartaraf etish, muhandislik-kommunikatsiya tarmoqlarini mavsumga tayyorlash, uy-joy fondini saqlash va hudud obodonchiligini yaxshilash bo‘yicha mas’ullarga tegishli topshiriqlar berildi.

💼 Shuningdek, o‘rganishda xalq deputatlari Uchtepa tumani Kengashi kotibiyati mudiri Anvar Usmanov hamda kotibiyat bosh mutaxassisi Zarnigor Kuziyeva ishtirok etdi.

🔼 Aholi uchun qulay va munosib yashash sharoitlarini yaratish, ko‘p qavatli uylarni kuz-qish mavsumiga puxta tayyorlash hamda kommunal xizmatlar sifatini oshirish bo‘yicha nazorat va o‘rganish ishlari Uchtepa tumanida izchil davom ettirilmoqda.