XALQ DEPUTATLARI UZUN TUMANI KENGASHI RAISI VA DEPUTATLAR TASHABBUSI BILAN GULISTON MAHALLASIDA YANGI MUHIT YARATILMOQDA

Prezident Shavkat Mirziyoyev raisligida mahallalarda yangi muhit yaratish hamda “mahalla yettiligi” faoliyatini yangicha tashkil etish yuzasidan o‘tkazilgan videoselektor yig‘ilishi ijrosini ta’minlash maqsadida Uzun tumanida amaliy ishlar boshlab yuborildi.

Xususan, bugun erta tongdan Xalq deputatlari Uzun tumani Kengashi raisi, tuman hokimi Xabibulla Bozorov boshchiligida tuman Kengashi deputatlari, hokim o‘rinbosarlari, tashkilot va korxona rahbarlari hamda nuroniylar ishtirokida Guliston mahallasida uchrashuv o‘tkazildi.

Yig‘ilishda hududni rivojlantirishda deputatlik nazorati va faolligini oshirish masalasiga alohida e’tibor qaratildi. Kengash raisi va deputatlar tomonidan Guliston mahallasini namunaviy hududga aylantirish, mahalla va xonadonlarni keng ko‘lamda obodonlashtirish, hududning sanitariya holatini yaxshilash, xotin-qizlar va yoshlar bandligini ta’minlash borasidagi chora-tadbirlar atroflicha muhokama qilindi.

Aholini qiynayotgan muammolarni hal etish va barcha yo‘nalishlarda boshqalarga o‘rnak bo‘ladigan mahalla muhitini shakllantirishda deputatlarning mahalla ahli bilan yaqin hamkorligini yo‘lga qo‘yish belgilab olindi. Muhokama qilingan vazifalarni sifatli va o‘z vaqtida amalga oshirish bo‘yicha mas’ullarga tegishli topshiriqlar berildi.