Xalq deputatlari Marg‘ilon shahar Kengashi kotibiyati bosh mutaxassisi N.Akbarova hamda Ijtimoiy soha, yoshlar siyosati, madaniyat va sport masalalari bo‘yicha doimiy komissiya a’zosi, deputat S.Azizov tomonidan saylov okrugida fuqarolar bilan uchrashuv davomida hududdagi ijtimoiy infratuzilma obyektlari va aholini qiynayotgan masalalar ham o‘rganildi.

Xususan, Xalq deputatlari Marg‘ilon shahar Kengashining 2026-yil 8-iyundagi VII-27-42-11-168-K/26-son qarori bilan “Infratuzilma va ijtimoiy barqarorlik” jamg‘armasi mablag‘laridan foydalanish doirasida Marg‘ilon shahar Ipakchi mahalla fuqarolar yig‘ini Bog‘chasaroy ko‘chasida joylashgan umumiy foydalanishdagi 2 qavatli uyda mavjud umumiy hojatxonani ta’mirlash ishlari uchun 120,0 mln so‘m mablag‘ ajratilishi belgilangan.

Mazkur loyiha yuzasidan amalga oshirilishi lozim bo‘lgan ta’mirlash ishlarining holati deputatlik nazorati tartibida o‘rganildi. O‘rganish jarayonida belgilangan ishlar 2026-yil iyul oyida amalga oshirilishi rejalashtirilgan bo‘lsa-da, hozirgi kunga qadar amaliy ishlar boshlanmagani aniqlandi.

Aniqlangan holat yuzasidan mas’ul tashkilotlar oldiga belgilangan vazifalarni o‘z vaqtida va sifatli bajarish, ajratilgan mablag‘lardan samarali foydalanish hamda aholi uchun qulay shart-sharoitlarni yaratish bo‘yicha tegishli choralar ko‘rish vazifalari belgilandi. Mazkur masala deputatlik nazoratida saqlanib, ishlarning borishi yuzasidan monitoring olib borilishi ta’minlanadi.