Sayyor qabul davomida fuqarolarning murojaatlari tinglanib, ularni qiynayotgan dolzarb masalalar yuzasidan ochiq muloqot olib borildi. Xususan, elektr energiyasi kuchlanishining pastligi, ichki yo'llarni ta'mirlash hamda aholini tashvishga solayotgan boshqa ijtimoiy masalalar yuzasidan murojaatlar bildirildi.

Murojaatlar bo'yicha tegishli mutasaddi tashkilotlar bilan hamkorlikda amaliy choralar ko'rish, qo'shimcha o'rganishni talab etadigan masalalarni belgilangan tartibda nazoratga olish yuzasidan tegishli tavsiyalar va topshiriqlar berildi.

Fuqarolar bilan doimiy muloqot qilish, ularning muammo va takliflarini o'z vaqtida o'rganish hamda qonuniy manfaatlarini himoya qilish deputatlik faoliyatining ustuvor yo'nalishlaridan biri hisoblanadi.