Xalıq deputatları rayonlıq Keńesinen 10-sanlı «Kókshiel » saylaw okruginen (Adolat SDP) saylanǵan deputat G.Tileumuratova hám Keńes sekretariatı baslıǵı A.Ibragimov menen “Erkindarya” APJ aymaǵındaǵı «Kókshiel shańaraq shıpakerlik punkti» de bolıp xalıqqa óz waqtında sıpatlı medicinalıq járdem kórsetiliw jaǵdayın úyrenip olarda ushırasıp atırǵan mashqalalar menen jaqınan tanıstı.
Elimizde xalıqtıń den-sawlıǵın saqlaw, salamat turmıs tárizin qáliplestiriw hám jámiyette densawlıq mádeniyatın kúshiytiw máselelerine ayrıqsha itibar qaratılmaqta. Keyingi jıllarda Mámleketimizde hár bir puqara ushın joqarı sapalı hám qánigeli medicinalıq xızmet sistemasın jaratıw áhmiyetli wazıypa sıpatında belgilenip, bul baǵdarda keń kólemli reformalar ámelge asırılıp atırǵanı hámmemizge jaqsı belgili.
Úyreniw dawamında medicina mákemesiniń materiallıq-texnikalıq bazası, xalıqqa kórsetilip atırǵan medicinalıq xızmetlerdiń sapası, dári-dármaq támiynatı hám shıpaker hám medicina xızmetkerleri ushın jaratılǵan sharayatlar menen jaqınnan tanıstı.
Xalıqtıń salamatlıǵın qorǵaw, medicinalıq xızmetlerdiń sapasın arttırıw hám tarawdaǵı mashqalalardı sheshiw máseleleri turaqlı deputatlıq qadaǵalawda bolatuǵını atap ótildi.