Xalq deputatlari Zomin tuman Kengashi deputati M.Azamqulova hududda faoliyat yuritayotgan ijtimoiy xodimlarning ish jarayoni, aholiga ko‘rsatilayotgan ijtimoiy xizmatlar sifati hamda mavjud shart-sharoitlar bilan yaqindan tanishdi.

O‘rganish davomida ijtimoiy himoyaga muhtoj fuqarolar bilan ishlash, murojaatlarni qabul qilish va ularning muammolarini hal etish bo‘yicha olib borilayotgan ishlar tahlil qilindi. Shuningdek, ijtimoiy xodimlar faoliyatida raqamli texnologiyalardan samarali foydalanish, hujjatlar bilan ishlash hamda xizmatlar ko‘rsatish jarayonini tezkor va sifatli tashkil etish masalalariga alohida e’tibor qaratildi.

Ma’lumot uchun, tuman hududidagi barcha ijtimoiy xodimlarning ish samaradorligini oshirish, xizmat ko‘rsatish sifatini yanada yaxshilash hamda zamonaviy axborot-kommunikatsiya texnologiyalaridan foydalanish imkoniyatlarini kengaytirish maqsadida Xalq deputatlari tuman Kengashining tegishli qaroriga asosan kompyuter jamlanmalari xarid qilinib, ijtimoiy xodimlarga yetkazib berilgan.