#96_qonun

Xalq deputatlari Payariq tumani Kengashi raisi A.Tavboyev va bosh mutaxassis N.Jazilov tomonidan O‘zbekiston Respublikasining O‘RQ-937-son “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi Qonuni ijrosi yuzasidan tumanda amalga oshirilayotgan ishlar o‘rganildi.

O‘rganish davomida fuqarolar tomonidan o‘zboshimchalik bilan egallab olingan yer uchastkalari hamda ularda qurilgan bino va inshootlarga bo‘lgan huquqlarni e’tirof etish bo‘yicha olib borilayotgan xatlov va hujjatlashtirish ishlari ko‘zdan kechirildi. Shuningdek, murojaatlarni ko‘rib chiqish, hujjatlarni rasmiylashtirish hamda qonun talablarining amaliyotga tatbiq etilishi holati tahlil qilindi.

O‘rganish yakunida mas’ul tashkilotlar tomonidan ishlarni belgilangan tartibda va muddatlarda amalga oshirish yuzasidan tegishli tavsiyalar berildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|