Xalq deputatlari Parkent tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi bo‘lib o‘tdi.Yig‘ilishni doimiy komissiya raisi Shuxrat Abduxamidovich Abduvoxidov olib bordi. Unda doimiy komissiya a’zolari, tuman Kengashi kotibiyati mudiri, kotibiyat bosh mutaxassislari hamda tegishli tashkilotlar vakillari ishtirok etdilar.Kun tartibidagi masala yuzasidan tuman hokimining birinchi o‘rinbosari Y.Abduxamidovning hisoboti tinglandi. Hisobot davomida hududning ijtimoiy-iqtisodiy rivojlanishi, mahalliy budjet mablag‘larining maqsadli sarflanishi, tadbirkorlik subyektlarini qo‘llab-quvvatlash hamda iqtisodiy islohotlarning amalga oshirilishi bilan bog‘liq masalalar muhokama qilindi.Deputatlar tomonidan bildirilgan taklif va mulohazalar asosida mavjud muammolarni bartaraf etish hamda belgilangan vazifalar ijrosini ta’minlash yuzasidan tegishli tavsiyalar berildi.Yig‘ilish yakunida kun tartibidagi masala bo‘yicha doimiy komissiyaning tegishli qarori qabul qilindi.