Ózbekstan Respublikası Oliy Majlisi Senatınıń 2025-jıl 26-fevraldaǵı "Xalıq deputatları wálayatlıq, rayonlıq hám qalalıq Keńesleri janında Jaslar másláhát toparın shólkemlestiriw haqqında"ǵı QQ-102-V-sanlı qararı tiykarında aymaqlardaǵı intaker, bilimli hám zamanagóy kásip iyeleri bolǵan jaslardı qollap-quwatlaw, olardı mámleketlik basqarıw hám wákillikli uyımlardıń jumısına keńnen tartıw maqsetinde Xalıq deputatları Taxtakópir rayonlıq Keńesi janında Jaslar másláhát toparı shólkemlestirildi.

Búgin Taxtakópir rayonı hákimliginiń májilisler zalında usı Jaslar másláhát toparınıń aǵzaları menen ushırasıw bolıp ótti.

Ushırasıwda Xalıq deputatları Taxtakópir rayonlıq Keńesiniń baslıǵı A.Reyov, sekretariat baslıǵı T.Jusupov, Keńes janındaǵı "Sociallıq taraw, jaslar siyasatı, mádeniyat hám sport máseleleri" turaqlı komissiyasınıń baslıǵı Q.Jaliev, rayonlıq Keńes deputatları hám Jaslar másláhát toparınıń aǵzaları qatnastı.

Sóylesiw dawamında Jaslar másláhát toparınıń aǵzaları hám olarǵa biriktirilgen deputatlar tárepinen 2026-jıl dawamında ámelge asırılatuǵın birgeliktegi jumıslar rejesi dodalanıp, qatnasıwshılardıń pikir-usınısları tıńlandı.

Ushırasıwda jaslardıń baslamaların qollap-quwatlaw, aymaqlarda máselelerdi úyreniw hám jaslar menen islesiw nátiyjeliligin arttırıw boyınsha áhmiyetli wazıypalar belgilep alındı.