Xalıq deputatları Taxtakópir rayonlıq Keńesine ÓzLiDeP partiyasınan deputat Azbergenov Nurken Abdikarim ulı "Marjankól" awıl puqaralar jıyını aymaǵında jaylasqan Taxtakópir suw támiynatı bólimine qaraslı "Marjankól suw bólistiriw" stanciyasınıń xızmeti menen jaqınnan tanısıp, xalıqtı sapalı ishimlik suw menen támiyinlew jumıslarınıń jaǵdayın úyrendi.
Deputat tárepinen stanciyanıń texnikalıq jaǵdayı, suwdı tazalaw hám xalıqqa ishimlik suw jetkerip beriwin kózden ótkerildi. Sonıń menen birge, aymaq turǵınlarınıń ishimlik suwǵa bolǵan talabı, suw jetkerip beriwdegi mashqalalar hám olardı sheshiw jolları boyınsha usınıslar aytıldı.
Búgingi kúnde "Marjankól suw bólistiriw" stanciyası arqalı awıl xalqı turaqlı túrde taza hám qáwipsiz ishimlik suw menen támiyinlenip kelinbekte. Bul bolsa xalıqtıń turmıs sapasın jaqsılawda áhmietli orın ieleydi.