Xalıq deputatları Taxtakópir rayonlıq Keńesine Ózbekstan XDP nan deputat Jaliev Qabılbek Abdiganiyevich  hám Adolat social demokratiyalıq partiyasınan deputat Primbetov Najimatdin Kayratdinovich  «Dáwir» mákan puqaralar jıyını aymaǵındaǵı kóp qabatlı úylerde jasawshı turǵınlar menen ushırastı.
Ushırasıw dawamında deputatlar xalqımızdıń turmıs sharayatın jaqsılaw, máhálledegi infrastrukturanı rawajlandırıw, kóp qabatlı turaq jaylardıń kommunallıq xızmetleri, abadanlastırıw jumısları boyınsha puqaralardıń pikir-usınısların tıńladı.
Sonday-aq, xalıq tárepinen kóterilgen múrájatlar arasında ishimlik suwı támiynatı, kóshelerdi jaqtılandırıw, balalar oyın maydanshaların jańalaw, sanitariyalıq-gigienalıq sharayatlardı jaqsılaw sıyaqlı máseleler orın aldı. Deputatlar hár bir múrájat boyınsha tiyisli shólkemler menen birgelikte ámeliy járdem kórsetiw hám máselelerdi jedel túrde sheshiw boyınsha jumıs alıp barılatuǵının bildirdi.