Депутат назорати: кам таъминланган оила хонадонида амалга оширилаётган таъмирлаш ишлари ўрганилди
Халқ депутатлари Янгиқўрғон тумани Кенгаши депутати Боймирзаев Улуғбек Муҳаммадович томонидан сайлов округида жойлашган, кам таъминланган оилалар рўйхатида турувчи фуқаро хонадонида ўрганиш ишлари олиб борилди.
Маълумки, мазкур хонадоннинг уй-жой шароитини яхшилаш масаласи халқ депутатлари туман Кенгаши сессияси қарори асосида белгилаб олинган бўлиб, ҳозирги кунда хонадонда таъмирлаш ишлари амалга оширилмоқда.
Ўрганиш давомида депутат таъмирлаш ишларининг бориши, қурилиш материалларидан самарали фойдаланилиши ҳамда ишларни сифатли ва ўз вақтида якунлаш масалаларига алоҳида эътибор қаратди.
Шунингдек, масъулларга кам таъминланган оилаларни қўллаб-қувватлаш, уларнинг муносиб яшаш шароитини яратиш ҳамда белгиланган вазифалар ижросини назоратда ушлаш юзасидан тавсиялар берилди.
✅ Мазкур ишлар аҳолининг ижтимоий ҳимояга муҳтож қатламини қўллаб-қувватлаш ва депутатлик назоратини амалда таъминлашга хизмат қилади.