“Mirzayon” mahallasida aholi murojaatlari, ijtimoiy xizmatlar sifati hamda kam ta’minlangan oilalarni qo‘llab-quvvatlash masalalariga bag‘ishlangan uchrashuv tashkil etildi.

Mazkur uchrashuvda Xalq deputatlari tuman Kengashining 6-Mirzayon saylov okrugidan saylangan deputati G‘ani Hamroyev ishtirok etib, fuqarolar bilan ochiq muloqot qildi.
Uchrashuv davomida mahallada faoliyat yuritayotgan ijtimoiy xodim tomonidan aholining ijtimoiy ehtiyojmand qatlamlariga ko‘rsatilayotgan xizmatlar sifati, kam ta’minlangan oilalarga ijtimoiy nafaqalar va moddiy yordamlarni tayinlash hamda to‘lash jarayonlari o‘rganildi.
Shuningdek, fuqarolarning taklif va murojaatlari tinglanib, ularni qonuniy hal etish yuzasidan tegishli tavsiya va yo‘nalishlar berildi. Uchrashuv davomida aholini ijtimoiy qo‘llab-quvvatlash, manzilli yordam ko‘lamini kengaytirish hamda xizmatlar sifatini yanada oshirish masalalariga alohida e’tibor qaratildi.

Bunday uchrashuvlar aholi bilan ochiq muloqotni ta’minlash, ularning muammolarini joyiga chiqqan holda o‘rganish va amaliy yechimlar ishlab chiqishda muhim ahamiyat kasb etmoqda.