Xalq deputatlari Uchquduq tuman Kengashi raisi U.Salimov hamda kotibiyat bosh mutaxassisi M.Muhammadiyevlar tomonidan “Ko'kpatas” ovulida joylashgan 8-sonli maktabgacha ta’lim tashkilotida “Maktabgacha ta’lim va tarbiya to‘g‘risida”gi O‘RQ-595-sonli O‘zbekiston Respublikasi Qonuni ijrosi yuzasidan o‘rganish ishlari olib borildi.

🔎 O‘rganish davomida muassasadagi ta’lim-tarbiya jarayonlari, bolalar uchun yaratilgan shart-sharoitlar, sanitariya-gigiyena talablari, oziq-ovqat mahsulotlari sifati hamda tarbiyalanuvchilarning xavfsizligini ta’minlash masalalari atroflicha ko‘zdan kechirildi.

🧸 Shuningdek, tarbiyachilar faoliyati, mashg‘ulot xonalari jihozlanganligi, bolalarning bo‘sh vaqtini mazmunli tashkil etish hamda davlat ta’lim standartlariga rioya etilishi yuzasidan ham tegishli tavsiya va takliflar berildi.

📋 O‘rganish yakunida aniqlangan ayrim kamchiliklarni bartaraf etish, muassasa faoliyatini yanada takomillashtirish hamda qonun talablarining to‘liq ijrosini ta’minlash bo‘yicha mas’ullarga tegishli ko‘rsatmalar berildi.