Tadbirda Mirzo Ulug‘bek tumani hokimining o‘rinbosari, boshqaruv servis kompaniyasi vakili, uy boshilari hamda mahalla faollari ishtirok etdi. 

Axborotda Ravshan Umarov o‘tgan chorak davomida saylovchilar qilgan murojaatlari yuzasidan yuborilgan deputat so‘rovlari hamda ijrosi haqida batafsil tushuntirib, kelgusida ham muammolar yechim topishida amaliy yordam ko‘rsatishini alohida ta’kidlab o‘tdi.

Bo‘lib o‘tgan uchrashuvda fuqarolar bilan mahalladagi bolalarning xulq-atvori, xatti-harakatlari doimo qo‘ni qo‘shnilar nazoratida bo‘lishi, bunda, ayniqsa, boy hayotiy tajribaga ega bo‘lgan oila boshliqlarining ko‘rsatmalari bilan ish tutish azaliy an’anaga aylangani yuzasidan suhbatlashildi. Suhbat davomida bildirilgan murojaat va takliflar inobatga olindi.

Tadbir yakunida deputat ishtirokchilarga mahallada yoshlarda milliy g‘urur, iftixor, vatanparvarlik tuyg‘usini shakllantirish, ular orasida qonunbuzarlik va mayda bezoriliklarning oldini olish, milliy qadriyatlar asosida ish yuritish barchaning muhim vazifasi ekanligi xaqida qo‘shimcha tushuntirishlar berdi.