O‘zbekiston Respublikasi Oliy Majlisi Senati Kengashining 2024-yil 4-apreldagi “Mahallalardagi muammolarni hal etishda xalq deputatlari mahalliy Kengashlari deputatlari va senatorlarning “Mahalla yettiligi” bilan o‘zaro hamkorligini yo‘lga qo‘yish chora-tadbirlari to‘g‘risida”gi KQ-706-IV-sonli qarori ijrosini ta’minlash maqsadida Xalq deputatlari Parkent tuman Kengashiga 3-“Bog‘bon” saylov okrugidan saylangan deputat To‘layev Eldor Zafaritdin o‘g‘li o‘zi saylangan okrugdagi “Qayilma” mahalla fuqarolar yig‘iniga tashrif buyurdi. Tashrif davomida mahallada xotin-qizlar bilan ishlash yo‘nalishida olib borilayotgan ishlar, mavjud muammolar hamda ularning yechimlari yuzasidan o‘rganishlar olib borildi. Suhbat davomida ma’lum qilinishicha, 2026-yilda “Ayollar daftari” ro‘yxatiga 69 nafar xotin-qiz kiritilgan bo‘lib, shundan 30 nafarining bandligi ta’minlangan, 12 nafariga imtiyozli kredit ajratilgan hamda 4 nafariga psixologik yordam ko‘rsatilgani aytib o‘tildi.Deputat mahalla xotin-qizlar faoli faoliyatining samaradorligiga alohida e’tibor qaratib, oilaviy muhitni mustahkamlash,
ijtimoiy himoyaga muhtoj ayollarni qo‘llab-quvvatlash, ularning bandligini ta’minlash va tadbirkorlikka jalb etish borasida amalga oshirilayotgan ishlar bilan yaqindan tanishdi. Uchrashuv yakunida aniqlangan muammolar yuzasidan tegishli taklif va tavsiyalar berildi hamda kelgusida mazkur yo‘nalishdagi ishlarni yanada kuchaytirish zarurligi ta’kidlandi.