Xalq deputatlari Boyovut tuman Kengashi deputati E.Erkaboyev tomonidan Boyovut tuman ixtisoslashtirilgan maktabida faoliyat yuritayotgan pedagoglar bilan uchrashuv o‘tkazildi.

Uchrashuv davomida ta’lim muassasasi bitiruvchilarining yakuniy va kirish imtihonlariga puxta tayyorgarlik ko‘rishini ta’minlash, o‘quvchilarning bilim va salohiyatini yanada oshirish, shuningdek, imtihon jarayonlarini adolatli va shaffof tashkil etish masalalari yuzasidan fikr almashildi.

Shuningdek, yangi 2026–2027 o‘quv yili uchun qabul jarayonlarini yuqori saviyada tashkil etish, o‘quvchilarni saralash tizimini takomillashtirish, ta’lim sifatini oshirish hamda pedagoglar uchun zarur shart-sharoitlar yaratish masalalari atroflicha muhokama qilindi.

Uchrashuv yakunida ta’lim tizimidagi mavjud muammolar va ularni bartaraf etish bo‘yicha takliflar tinglanib, belgilangan vazifalarni samarali amalga oshirish yuzasidan tegishli tavsiyalar berildi.