“9-may — Xotira va qadrlash kuni”

Xotira — bu unutilmas qadriyat, qadrlash esa insoniy burchdir. Har bir yurtda, har bir oilada o‘tganlar xotirasi muqaddas sanaladi. Ularni yod etish orqali biz o‘z tariximizni, milliy o‘zligimizni asraymiz. Keksalarimizni e’zozlash, faxriylarimizni qadrlash — bu nafaqat bugunning, balki kelajak avlodlar uchun ham ibratdir.

O‘zbekiston Respublikasi Prezidentining 2026-yil 16-apreldagi “9-may — Xotira va qadrlash kuniga tayyorgarlik ko‘rish va uni o‘tkazish chora-tadbirlari to‘g‘risida”gi PQ-139-son qarori ijrosini ta’minlash maqsadida bugun Sariosiyo tumani hokimi, tuman Kengashi deputati Odiljon Yaqubov hamda xalq deputatlari Sariosiyo tuman Kengashi deputatlari S.Qosimov, A.Ro‘ziyev ishtirokida tumanning Ehtirom mahallasida istiqomat qiluvchi front orti mehnat faxriysi, 1924-yilda tug‘ilgan 102 yoshli Niyazov Sa'dullo boboning hamda tumandagi boshqa faxriylarning holidan xabar olindi.

Ular 9-may — Xotira va qadrlash kuni munosabati bilan samimiy muborakbod etilib, hurmat va ehtirom ko‘rsatildi.

Nuroniylar duoga qo‘l ochib, yurtimiz tinchligi, xalqimiz farovonligi tilab duo qildilar hamda davlatimiz rahbari tomonidan ko‘rsatilayotgan yuksak e’tibor va g‘amxo‘rlik uchun o‘z minnatdorchiliklarini izhor etdilar.