#Deputat_faoliyati

Xalq deputatlari tuman Kengashi deputati S.Kasimov tashabbusi bilan harbiy xizmatchilar bilan ochiq va mazmunli uchrashuv tashkil etildi.

Mazkur uchrashuvda mahalla fuqarolar yig‘ini raisi, mehnat faxriylari, faol nuroniylar ishtirok etib, uchrashuvga alohida mazmun va ahamiyat bag‘ishladilar. Tadbir davomida mamlakatimizda amalga oshirilayotgan keng ko‘lamli islohotlar, xususan, Qurolli Kuchlar tizimini yanada mustahkamlash, harbiy xizmatchilarning ijtimoiy himoyasini kuchaytirish, ularning huquq va manfaatlarini ta’minlash borasidagi ustuvor vazifalar yuzasidan atroflicha fikr almashildi.

Muloqot jarayonida vatanparvarlik tuyg‘usini yuksaltirish, yosh avlodni harbiy xizmatga hurmat va sadoqat ruhida tarbiyalash, armiya va xalq o‘rtasidagi o‘zaro ishonch hamda hamjihatlikni mustahkamlash masalalari muhokama etildi.

Shu bilan birga, bu kabi muloqotlar xalq birligini mustahkamlash, yurtimiz tinchligi va xavfsizligini ta’minlash yo‘lida olib borilayotgan sa’y-harakatlarning muhim tarkibiy qismi hisoblanadi.