O‘zbekiston Respublikasi Prezidentining PQ-406-son qarori hamda Senat Kengashining KQ-35-V-son qarorlari ijrosini ta’minlash, shuningdek, mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiyadan kelib chiqib, Xalq deputatlari Marg‘ilon shahar Kengashi 16-Ipak yo‘li saylov okrugi deputati Maxkamov Abdubannob Abduvoxidovich tomonidan saylov okrugidagi Ipak yo‘li mahalla fuqarolar yig‘inida bepul beriladigan dori vositalari bilan ta’minlash holati o‘rganildi.

Oʻrganish davomida hududdagi oilaviy poliklinika va mas’ul tibbiyot xodimlari bilan muloqot qilinib, aholiga imtiyoz asosida ajratilayotgan dori vositalarining yetkazilishi, ularning sifati hamda aholiga tarqatilish jarayonlari tahlil qilindi.

Shuningdek, fuqarolar bilan suhbatlar o‘tkazilib, bepul dori vositalarini olishdagi mavjud muammolar, ehtiyoj va takliflar o‘rganildi. Deputat tomonidan aholining murojaatlari asosida ayrim kamchiliklarni bartaraf etish yuzasidan mutasaddilarga tegishli tavsiyalar berildi.

Aholining, ayniqsa ijtimoiy himoyaga muhtoj qatlamning sifatli va o‘z vaqtida dori vositalari bilan ta’minlanishi ustidan deputatlik nazorati davom ettiriladi.