Mahalladagi ijtimoiy xodim tomonidan aholining ijtimoiy ehtiyojmand toifalariga koʻrsatiladigan xizmatni sifatli tashkil etilishi, kam ta’minlangan oilalarga ijtimoiy nafaqalar va moddiy yordam tayinlash va to‘lash holati oʻrganildi

Xalq deputatlari Muzrabot tumani Kengashiga 17-Do‘stlik saylov okrugidan saylangan deputati Sidnenko Vera tumandagi “Do‘stlik” MFYda bo‘lib, tuman Kengashi kotibiyati bosh mutaxassisi B.Xoliqov hamrohligida Mahalliy Kengash deputati faoliyatining eng muhim yo‘nalishlari bo‘yicha tavsiyalar asosida mahalladagi ijtimoiy xodimi faoliyati bilan yaqindan tanishdilar.

Oʻrganishlar davomida aholiga ijtimoiy xizmat va yordamlar, shuningdek, ijtimoiy ish faoliyati haqida xabardorligini oshirish, ijtimoiy himoyaga muhtoj shaxslarga ijtimoiy xizmat va yordamlar ko‘rsatishni tashkil qilish, aholining ehtiyojmand toifalariga koʻrsatiladigan xizmatlarni qay darajada tashkil etilganligi holatini oʻrgandi.