Xalq deputatlari Zarbdor tuman Kengashiga 6-Yangihayot saylov okrugidan saylangan deputat S.Xadjikulov hamda Kengash kotibiyati bosh mutaxassisi H.To'rayev birgalikda Yangihayot mahallasi profilaktika inspektorining 2026-yil boshidan bugungi kunga qadar amalga oshirgan faoliyati o‘rganildi.

O‘rganish davomida hududda jinoyatchilik va huquqbuzarliklarning oldini olish borasida olib borilayotgan profilaktik chora-tadbirlar, fuqarolar o‘rtasida amalga oshirilayotgan tushuntirish ishlari hamda aholi xavfsizligini ta’minlash masalalariga alohida e’tibor qaratildi.

Qayd etilishicha, joriy yil boshidan hozirgi kunga qadar mahalla hududida 4 ta kiberjinoyat holati sodir etilgan. Shu munosabat bilan fuqarolarni internet tarmoqlari orqali amalga oshirilayotgan firibgarlik holatlaridan ogoh etish, bank kartalari va shaxsiy ma’lumotlarni himoya qilish yuzasidan profilaktik targ‘ibot ishlarini kuchaytirish zarurligi ta’kidlandi.