“Yoshlar kuni” munosabati bilan Xalq deputatlari Angor tumani Kengashining 18-Yangi turmush saylov okrugi deputati Sevara Yuldosheva hamda Angor tuman Adliya bo‘limi boshlig‘i Farxod Raxmonov bilan birgalikda Angor tumani ixtisoslashtirilgan maktabida yoshlar bilan uchrashuv o‘tkazildi.

Mazkur uchrashuv davomida yoshlarning ta’lim olishi, ularning kelajakdagi maqsad va intilishlari, shuningdek mamlakatimizda yoshlarga yaratilayotgan keng imkoniyatlar haqida atroflicha suhbat olib borildi.

Tadbirda maktabning 9 nafar bitiruvchisining muddatidan oldin talabalikka tavsiya etilgani alohida e’tirof etilib, bu yutuq yoshlarga qaratilayotgan e’tibor va yaratilayotgan sharoitlarning amaliy natijasi ekani deputat tomonidan ta’kidlandi.

Deputat Sevara Yuldosheva yoshlarni ushbu muvaffaqiyat bilan samimiy tabriklab, ularning kelgusidagi o‘qish va faoliyatida ulkan zafarlar tiladi. Shuningdek, yoshlarni Vatanga sadoqatli, bilimli, tashabbuskor hamda jamiyat taraqqiyotiga daxldor bo‘lib voyaga yetishga chaqirdi.

Bunday uchrashuvlar yoshlarning orzu-intilishlariniqo‘llab-quvvatlash, ularning ijtimoiy faolligini oshirish, deputatlar bilan ochiq muloqotni mustahkamlash hamda kelajakka bo‘lgan ishonchini yanada kuchaytirishda muhim ahamiyat kasb etadi.