Xalq deputatlari tuman Kengashining Korrupsiyaga qarshi kurashish va xavfsizlik hamda Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zolari tomonidan navbatdagi sessiya kun tartibiga kiritiladigan sog‘liqni saqlash, tez tibbiy yordam, kafolatlangan bepul tibbiy xizmat ko‘rsatish holati yuzasidan nazorat-tahlil tadbirlari olib borildi.
Tibbiyot birlashmasida aholiga ko‘rsatilayotgan tibbiy xizmat sifati, tez tibbiy yordam faoliyati, dori-darmon ta’minoti hamda mavjud sharoitlar sanitariya va gegiyena holati atroflicha tahlil qilindi.
Monitoring davomida hududlarda olib borilayotgan tibbiy-profilaktik tadbirlar, aholining murojaatlari bilan ishlash hamda xizmat ko‘rsatishdagi ayrim muammolar yuzasidan mas’ullarga tegishli tavsiyalar berildi.