OʻzLiDePdan saylangan xalq deputatlari Shayxontohur tuman Kengashi 17-Koʻkcha saylov okrugi deputati Axmedov Botir Rustamovich “Koʻkcha” mahalla fuqarolar yigʻinida aholining murojaatlari asosida fuqarolar bilan ochiq muloqot olib bordi.
O'rganishda tuman hokimining oʻrinbosari R.Kuchkarov, kommunal xizmat koʻrsatish korxonasi masʼullari va mahalla faollari ishtirok etishdi.
O'rganish vaqtida koʻcha yoritish tizimidagi muammolar, BSK tomonidan aholiga xizmat koʻrsatish va infratuzilma holatini yaxshilash, aholining ijtimoiy muhtojligi boʻyicha murojaatlari tinglandi.
Deputat B.Axmedov aholining har bir murojaatini diqqat bilan tinglab, tegishli organlarga topshiriqlar berdi va muammolarni hal etish muddatlari belgilab olindi.
Joyida qabul qilingan qarorlar asosida mutasaddi xodimlar bilan birgalikda darhol bartaraf etish mumkin boʻlgan kamchiliklar aniqlandi va tegishli koʻrsatmalar berildi.
O'rganish yakunida deputat B.Axmedov aholining barcha murojaatlari eʼtiborsiz qolmasligi va bosqima-bosqich ijobiy hal etilishini maʼlum qildi.