Xalq deputatlari Shayxontohur tuman Kengashi deputati A.Umarov tomonidan "Obinazir" mahalla fuqarolar yigʻinida tuman masʼullari bilan birgalikda davlat dasturi asosida amalga oshirilayotgan ichimlik suvi tarmoqlarini yangilash boʻyicha oʻrganish tashkil etildi.
Oʻrganish davomida mahalladagi suv tarmoqlari korxonasi tomonidan olib borilayotgan qurilish-montaj ishlari, pudrat tashkilotlari tomonidan belgilangan muddatlarga rioya etilishiga qaratilgan chora-tadbirlariga alohida eʼtibor qaratildi.
Aholini sifatli ichimlik suvi bilan taʼminlash davlat siyosatining ustuvor yoʻnalishlaridan biri boʻlib, deputatlar tomonidan ushbu jarayonni doimiy nazoratda ushlashi belgilangan.
Oʻrganish jarayonida ishlarning sifati va hajmi bilan yaqindan tanishib, mavjud kamchiliklar boʻyicha masʼullarga topshiriqlar berildi.
Oʻrganish yakunida deputat A.Umarov tomonidan ushbu ishlar nafaqat suv taʼminoti sifatini yaxshilash, balki yoʻqotishlarni kamaytirish va tizim samaradorligini oshirishga xizmat qilishi taʼkidlandi.