“Bog‘iston” mahallasida jinoyatchilikka qarshi kurashish holati o‘rganildi

Xalq deputatlari tuman Kengashi kotibiyati mudiri K. Muhammadiyev hamda Kengash deputati N. Alimovlar tuman Kengashiga 17-Bog‘iston saylov okrugidan saylangan deputat U. Xo‘shboqovning saylov okrugida joylashgan “Bog‘iston” mahallasida bo‘lib, hududda jinoyatchilikka qarshi kurashish borasida amalga oshirilayotgan ishlar bilan yaqindan tanishdi.

O‘rganish jarayonida hududdagi, jinoyatchilikning oldini olish hamda uni bartaraf etish bo‘yicha olib borilayotgan profilaktik chora-tadbirlar holati ko‘zdan kechirildi.

Shuningdek, tuman Kengashining navbatdagi sessiyasi kun tartibiga kiritilgan Tuman ichki ishlar bo‘limi boshlig‘ining huquqbuzarliklarning oldini olish va ularning profilaktikasi holati to‘g‘risidagi hisobotida “Bog‘iston” mahallasi jinoyatchilikdan holi hudud sifatida “sariq” toifadan “yashil” toifaga o‘tkazilgani yuzasidan ma’lumotlar bilan tanishildi.

O'rganish davomida hokim yordamchisi faoliyati ham o‘rganilib, uning hududda amalga oshirayotgan ishlar samaradorligi muhokama qilindi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#K_Muhammadiyev_N_Alimov