“SAYYOR QABUL — AHOLI MUAMMOLARINI JOYIDA HAL ETISHGA XIZMAT QILADI”

Navoiy shahar hokimi, Xalq deputatlari Navoiy shahar Kengashi deputati Ergashev Dilmurod Bekmuradovich “Hayot” mahallasida fuqarolar bilan sayyor qabul o‘tkazdi.

Sayyor qabul davomida mahalla aholisi tomonidan uy-joy, kommunal xizmatlar, bandlik, infratuzilma hamda ijtimoiy masalalarga oid murojaatlar va takliflar bildirildi. Fuqarolarning har bir murojaati atroflicha o‘rganilib, mutasaddi tashkilot rahbarlariga tegishli topshiriqlar berildi.

Shuningdek, ayrim masalalarni joyida hal etish choralari ko‘rilib, qo‘shimcha o‘rganish talab etiladigan murojaatlar ijrosi nazoratga olindi.

Ta’kidlanganidek, bunday ochiq muloqotlar aholi bilan yaqindan ishlash, ularni qiynayotgan muammolarni o‘z vaqtida bartaraf etish hamda xalq manfaatlarini ta’minlashda muhim ahamiyat kasb etadi.

Sayyor qabul samimiy va konstruktiv ruhda o‘tib, fuqarolarning taklif hamda murojaatlarini tinglash orqali hududdagi dolzarb masalalarni hal etishga xizmat qildi.