#tavsiyalar_asosida_soliq_inspektori

Xalq deputatlari Kogon shahar Kengashi deputati Sh. Isamutdinov hamda mutaxassislar I. Ikromov va Z. Temirovalar tomonidan Mirzo Ulug‘bek MFY hududida soliq inspektoriga yuklatilgan vazifalar ijrosi hamda “Alimali pishiriqlar” do‘koni faoliyati o‘rganildi.

O‘rganish jarayonida soliq inspektori tomonidan hududda soliq tushumlarini ta’minlash, tadbirkorlik subyektlari bilan tizimli ishlash, aholiga soliq qonunchiligini tushuntirish hamda belgilangan vazifalarni o‘z vaqtida bajarish holati tahlil qilindi. Shuningdek, Mirzo Ulug‘bek MFY hududidagi tadbirkorlar faoliyati bilan ishlash samaradorligi, mavjud muammolar va ularni bartaraf etish bo‘yicha ko‘rilayotgan chora-tadbirlar ham ko‘zdan kechirildi.

Shu bilan birga, hududda joylashgan “Alimali pishiriqlar” do‘koni faoliyati ham o‘rganilib, mahsulotlar sifati, sanitariya-gigiyena talablariga rioya etilishi, saqlash sharoitlari hamda iste’molchilarga xizmat ko‘rsatish darajasi baholandi. Do‘kon tomonidan ishlab chiqarilayotgan pishiriqlar assortimenti va ularning aholiga maqbulligi alohida e’tiborga olindi.

Mutaxassislar tomonidan aniqlangan ayrim kamchiliklarni bartaraf etish, mahsulot sifatini yanada yaxshilash, tozalik va tartibni doimiy ta’minlash hamda soliq intizomini mustahkamlash yuzasidan tegishli tavsiyalar berildi. Ushbu o‘rganishlar hududda tadbirkorlikni rivojlantirish va xizmat ko‘rsatish sifatini oshirishga xizmat qiladi.

Xalq deputatlari
Kogon shahar
Kengashi axborot
xizmati

Telegram
Instagram
Facebook
Youtube
E-kengash