🟢 Xalq deputatlari viloyat va tuman Kengashlari deputati E. Dushamov, Xalq deputatlari Shovot tumani Kengashi kotibiyati mudiri I. Masharipov hamda kotibiyat bosh mutaxassisi U. Ro‘zmetov tomonidan tumandagi “Zamondosh” va “Asavey” mahallalarida chiqindilarni yig‘ib olish jarayoni o‘rganildi.

🔹 O‘rganish davomida hududlarda maishiy chiqindilarni o‘z vaqtida olib chiqish, sanitariya holatini yaxshilash hamda aholi uchun yaratilayotgan qulayliklar yuzasidan amalga oshirilayotgan ishlar ko‘zdan kechirildi.

🔹 Shuningdek, mahallalarda chiqindi konteynerlarining holati, maxsus texnikalarning harakati va xizmat ko‘rsatish sifati tahlil qilinib, mavjud kamchiliklarni bartaraf etish bo‘yicha tegishli mutasaddilarga tavsiyalar berildi.

🔹 Mutasaddilar tomonidan hududlarda ekologik tozalikni ta’minlash, aholi salomatligini muhofaza qilish hamda chiqindilarni boshqarish tizimini yanada takomillashtirish bo‘yicha ishlarni izchil davom ettirish lozimligi ta’kidlandi.

🌱 Toza hudud — sog‘lom hayot garovi.