Xalq deputatlari Pop tuman Kengashi deputati E.Tursunov tomonidan hududdagi mahallalarda aholi, ayniqsa yoshlarning sport bilan muntazam shug‘ullanishlari uchun yaratilgan sharoitlar o‘rganildi

O‘rganish jarayonida mahallalardagi sport maydonchalari, umumta’lim maktablari, kollej va akademik litseylar tasarrufidagi sport zallari hamda ulardagi sport anjomlarining mavjudligi, foydalanish holati va texnik ahvoli ko‘zdan kechirildi. 

Shuningdek, sport inshootlarining yoshlar va aholi uchun qulayligi, mashg‘ulotlar o‘tkazish sifati ham deputat tomonidan tahlil qilindi.

Deputat tomonidan ayrim sport maydonlari va zallarda mavjud kamchiliklar, jumladan sport jihozlarini yangilash, qo‘shimcha inventarlar bilan ta’minlash hamda ayrim hududlarda ta’mirlash ishlarini amalga oshirish bo‘yicha mutasaddilarga tegishli tavsiyalar berildi.