Xalq deputatlari tuman Kengashi deputati H.Qudratov tomonidan Do‘stlik MFY Pastkichaqir qishlog‘ida joylashgan 6-sonli DMTTda tarbiyalanuvchilar uchun yaratilgan shart-sharoitlar o‘rganildi.

O‘rganish jarayonida muassasaning sanitar-gigiyenik holati, oziq-ovqat mahsulotlari ta’minoti va saqlanishi atroflicha ko‘zdan kechirildi, shuningdek oshxona elektr plitasining nosozligi, hojatxonaning ta’mirga muhtojligi hamda yong‘in xavfsizligi yo‘lagi boshqa maqsadda foydalanilayotgani aniqlandi.

Mas’ullar bilan o‘tkazilgan muloqotda oshxona pechini 3 kun muddatda ta’mirlash belgilandi. Shuningdek, hojatxona va yordamchi xonalarni ta’mirlash uchun homiylar tomonidan zarur jihozlar olib berildi.