🔹Xalq deputatlari Nurobod tumani Kengashi deputatlari D.Xushvaqtov va N.Murodova hamda tuman hokimi o‘rinbosari-oila va xotin-qizlar bo‘limi boshlig‘i Z.Sadinova, “Nurobod” gazetasi bosh muharriri N.Botirova, O‘zbekiston Ekologik partiyasi tuman Kengashi raisi G.Shermatovalar ishtirokida Qo‘rg‘oncha mahallasi hududida joylashgan 47-umumta’lim maktabida o‘rganish ishlari olib borildi.

🔹O‘rganish jarayonida O‘zbekiston Respublikasining 2024-yil 1-fevralda qabul qilingan “Pedagogning maqomi to‘g‘risida”gi O‘RQ-901-sonli Qonunining mazmun-mohiyati, pedagog xodimlarning huquq va majburiyatlari, ularning mehnat faoliyatidagi kafolatlar hamda ta’lim tizimida yaratilayotgan imkoniyatlar yuzasidan atroflicha tushuntirishlar berildi.

🔹Shuningdek, pedagoglarning jamiyatdagi o‘rni va nufuzini oshirish, ularning huquqlarini himoya qilish hamda ta’lim sifati samaradorligini ta’minlash borasida amalga oshirilayotgan ishlar haqida fikr almashildi.

🔹Uchrashuv davomida ishtirokchilar tomonidan ta’lim sohasidagi mavjud masalalar yuzasidan taklif va mulohazalar ham bildirildi.