Uchrashuv davomida hokim yordamchisi tomonidan hududda aholi bandligini ta’minlash, tadbirkorlikni rivojlantirish, soliq qarzdorligini kamaytirish hamda daromad manbalarini oshirish borasida olib borilayotgan ishlar haqida ma’lumot berildi. Shuningdek, ijtimoiy xodim tomonidan “ijtimoiy reestr”da ro‘yxatga olingan fuqarolar holati, ularga ko‘rsatilayotgan ijtimoiy xizmatlar, moddiy va ma’naviy qo‘llab-quvvatlash choralari yuzasidan amalga oshirilgan ishlar muhokama qilindi.

Saylovchilar bilan ochiq muloqot o‘tkazilib, fuqarolar tomonidan bildirilgan muammolar, taklif va murojaatlar tinglandi. Ayniqsa, ish bilan ta’minlash, ijtimoiy yordam olish, infratuzilmani yaxshilash kabi masalalarga alohida e’tibor qaratildi.

Uchrashuv yakunida hududda amalga oshirilayotgan ishlar samaradorligini yanada oshirish, aholi bilan ishlash tizimini kuchaytirish bo‘yicha tavsiyalar bildirildi.