Yosh avlod ta’lim-tarbiyasi — ustuvor vazifa: Yuqoriovuldagi yangi maskan tayyormi?

Bolajonlar uchun zamonaviy va qulay sharoitlar yaratish — doimiy e’tiborimizda. Bugun xalq deputatlari tuman Kengashi deputati Yuldashev Qosimboy va tuman Kengashi kotibiyati mudiri D.Iskandarovalar "Yuqoriovul" MFY hududida yaqinda o‘z faoliyatini boshlashi kutilayotgan 32-sonli davlat maktabgacha ta’lim tashkilotida bo‘ldilar.

Tashrifdan ko‘zlangan asosiy maqsad — yangi bog‘chada bolajonlarning ta’lim-tarbiya olishi, sog‘lom ulg‘ayishi uchun yaratilgan shart-sharoitlar va binoning tayyorgarlik holatini ko‘zdan kechirishdan iborat.

O‘rganish davomida deputat quyidagilarga alohida e’tibor qaratdi:

• Guruh xonalari: Mashg‘ulot va dam olish xonalarining jihozlanishi;

• Oshxona va tibbiyot bo‘limi: Taom tayyorlash sharoitlari va sanitariya holati;

• O‘yin maydonchalari: Bolalarning ochiq havoda vaqt o‘tkazishi uchun yaratilgan xavfsiz muhit;

• Isitish va suv tizimi: Binoning mavsumiy ishlashga tayyorgarligi.

Deputat bog‘cha ma’muriyati va quruvchilar bilan suhbatlashib, ochilish marosimigacha bo‘lgan qisqa muddat ichida amalga oshirilishi lozim bo‘lgan ayrim texnik masalalar bo‘yicha o‘z tavsiyalarini berdi.